Wala labot sang kakulang sang supply sang tubig may mga power interruption pa gid.
Ini ang paathag sang general manager sang Baciwa nga si Engr Michael Soliva kun ngaa ayhan naglawig ukon nadugangan ang kadamuon sang apektado sang water interruption. Dugang pa niya may pagsaka man sa demand.
May pila ka mga konsumedor ang nagareklamo sa serbisyo sang baciwa nga naga siling nga mas nag lala pa gid ang sitwasyon karon nga nag take over na ang PrimeWater.
Suno kay Soliva sadto pa man may 1000 cubic meters na ang kakulang para sa gina serbehan sang Baciwa. Nagakasayuran nga mga 60 to 65 percent lamang sang konsumedro ang sulhay nga ma serbisyuhan.
Kun ginasiling nga daw mas naglala ang sitwasyon suno kay Soliva ini bangud sang unscheduled nga power interruption ilabi na sini nga semana.
Dala naman diri ang mga leak ukon tagas sa pipe kag sytems loss. Suno kay Soliva mahimo sa tunga tunga pa sang tuig kag tigayon nga mahatagan sang kalubaran ang ini nga mga pagpanghangkat. Padayon pa ang pagpatuman sang mga tikang para mas mapaayo ang serbisyo.