Nagpanindugan si Atty. Sonya Verdeflor, chairperson sang Bacolod City Water District Board, nga wala siya nagtuga sang alarma sa publiko kasunod sang paglapta sang impormasyon nga posible nga mag-untat ang water supply sa Bacolod kon indi makabayad ang PrimeWater sa Bacolod Bulk Water, Inc. ukon BBWI.
Sa pag-atubang sa Sangguniang Panlungsod session, ginpahayag ni Verdeflor nga ila ginpili nga mas maayo kun mapahibalo ang publiko sang water situation sa siudad.
Sang Disyembre 12, nahibaluan nila sa emergency board meeting nga may ₱11 milyon nga utang ang PrimeWater halin Setyembre tubtob Nobyembre sa BBWI.
Dugang pa niya, plano sang BBWI nga untaton ang pag supply sang tubig, apang ginpaathag sang BACIWA nga indi ini paghimuon nga wala sang abiso sa publiko, gani na-extend ang grace period tubtob Disyembre 15.
Gin-ako man ni Verdeflor nga iya napasa ang mensahe sa tatlo ka chat groups sang board, nga nagresulta sa paglapta sang impormasyon.
Iya gin siling nga wala sang reklamo nga sala ang iya ginhimo, kag ginpanginbulahan pa ang publiko kay nakapreparar sa posibilidad nga pagkauntat sang tubig.
Suno sa iya, nagresulta ini sa pag-pressure sa PrimeWater nga magbayad sa BBWI.*