Mga indigents, halin sa mga senior citizen, person with disability kag mga nagabusong ang pila lang sa mga prayoridad sa ginsuguran nga orientation kag registration para sa Bacolod Comprehensive Health Program ukon BacCHP sa Barangay 31.
Suno kay city administrator Atty. Pacifico Maghari III, magapaidalom anay sa validation ang mga BacCHP applications antes pa man sang issuance sang mga cards sa mga benepisyaryo.
May 150,000 ang target nga mabuligan sang siudad paagi sa BacCHP.
Prayoridad ini sang Benitez administration agud nga indi na magpalibog ang mga Bacolod sa tion nga nagakinahanglan sila sang hospital assistance.
Nagligad lang nga semana sang ginlunsar ang pagpa-rehistro para sa BACCHP kadungan sang medical mission sa Bacolod City Government Center kun diin may kapin tatlo ka libo nga indibidwal ang nabuligan.