Presyo sang baboy sa auction market ang nagnubo, pero presyo sini sa merkado ang padayon nga mahal.
Gikan sa 205 pesos ang kilo sang live weight sang baboy karon nadagdag ini sa 180 pesos ang kilo. Paathag ni Dr Placeda Lemana ang provincial veterinarian, wala na tigayon naka padala sang baboy sagwa sang probinsya bangud nga nag expire na ang recognition of active surveillance ukon RAS sang Sipalay kasubong man sang La Carlota.
Nag expire man ang certificate of free status ukon CFS sang commecial farms, rason nga madamo ang supply gani nag nubo ang presyo sang live weight. Pero nagapabilin nga mahal ang presyo sa merkado.
Sa mga baligyaan sa Bacolod suno kay Lemana, 350 tubtob 360 pesos ang kilo sa halos kalaban, pero may naga baligya man sang tubtob sa 370 ang kilo. Paathag ni Lemana, ang pagmahal sang presyo sa merkado tuga na sang law of supply and demand dala sang selebrasyon sa paskwa.