Biyernes sang gab-i sa post sang Valladolid PNP ila nga gin panawagan ang tag iya sang sini nga baboy nga nawigit sa highway sang Tabao proper.
Ang tricycle driver nga si Charlie Carriedo ang naka kita sini sa dalan kag iya nga gilayon nga gin karga sa iya nga tricycle kag gin turn over sa Valladolid PNP. Sa post pa gid sang PNP sang Sabado sang hapon, ginbalikan sang naga dala sang salakyan ang baboy nga nawigit matapos makita ang report sa social media.
Istorya sang tag-iya nga si Rhia Acebuche gikan sa Ilog ang iya nga tiyo nga nag karga sang lima tanan ka mga baboy nga ila gin bakal didto.
Ulihi na lang gin ako sa iya sang iya pakaisahan nga nadulaan sila duha ka mga baboy kay nag bukas ang puertahan sang salakyan.
Ang iya pakaisa ang nag kuha balik sa Dolid sang baboy sang makita ang post nga nakit-an ini ni Charlie.
Dako ang pagpasalamat niya na balik pa ang isa sa duha ka baboy kay sais mil pesos pa ang bili sang isa.
Pero ang baboy nagluya na matapos ang pagkahulog…
Paubos na ini sang amon ma abtan sa Juans Lechon kaina sang udto. May mga customer na siya nga napalipay kag gin busog.