Isa ka babaye nga pasahero ang nasapwan na lamang nga wala na sang kabuhi sa sulod sang bus gikan sa Cebu padulong sa Negros Oriental kaina sang kaagahon sa may area sang Sibulan, Negros Oriental
Sa insiyal nga record sang Sibulan PNP, isa ka pasahero ang nakatalupangod sang bangkay sa pulungkuan.
Gilayon ini nga gin-report sa PNP.
Ginkilala ang amo nga pasahero nga si Wilma Ausa, 41 anyos nga residente sang Brgy. San Isidro Manjuyod, Negros Oriental.
Gilayon nga ginpahibalo ang iya nga pamilya sa natabo sa iya.
May airpkane ticket man nga nakuha sa iya nga nagapakita nga kahapon lang ini nag abot halin sa Japan.
Gina usisa pa sang PNP kun ano ang nangin rason sang iya nga kamatayon.