Sa sulod sang isa ka mall sa Bacolod gin aresto kahapon sang CIDG Bacolod upod sang Police Station 1 ang 49 anyos nga si Marivic Sanusi pinaagi sa entrapment operation.
Isa ka complainant ang nag pakig angut sa CIDG-Bacolod matapos iya nga ma diskubrehan nga ang iya gin bakal nga salakyan, gin rentahan lang gali ni Sanusi.
Sa imbestigasyon sang CIDG-Bacolod, sang Enero 13 pa gin arkilahan sang suspek ang isa ka toyota hilux kag matapos niya gin extend sa 15 ka adlaw ang pag renta sang salakyan, wala na siya nag sabat pa sa tag iya.
Natukiban sang tag iya nga iya na gali gin baligya ang salakyan sa Iloilo kag na trace ini paagi sa GPS sang hilux.
Matapos ini ginbawi sang tag iya sa ginbaligyaan nga persona, gin setup ang entrapment operation sa Bacolod kun sa diin ihatag kun tani sang complainant ang balance nga P50,000 sa iya ginbakal nga salakyan.
Didto na sa mall na entrap kag nadakop sang operatiba si Sanusi.
Kaso nga Robbery Extortion, Falsification of Public Documents kag Estafa ang ginpasaka na batuk sa iya.