Naglibog ang ulo sang isa ka iloy bangud wala siya sang bilinan sang iya mga kabataan matapos siya ang nadakpan sa buy-bust operation sa Purok Sigay, Barangay 2 sa Bacolod City, pasado las 9 sang gab-i sadtong Miyerkules, Mayo 27.
Ang subject nga si alyas “Ana”, 26-anyos, nakuhaan sang katapo sang Police Station 2, sang ginabulubanta 200 gramos nga suspected shabu, nagabalor P1,360,000.
May tatlo ka mga kabataan si alyas “Ana” kag tanan ang menor de edad pa.
Detained si alyas “Ana” sa Police Station 3 samtang temporaryo nga nagtiner sa ila tupad balay ang mga kabataan, lakip na ang 3 ka tuig nga bata.
Wala naman sang dugang pa nga impormasyon ang kapulisan angot sa kun may paryente ang subject kag kun nakapakig-angot sila sa social worker para sa kustodiya sang mga kabataan.*
[sibwp_form id=1]