Pilason ang isa ka babaye matapos mabunggo sa pick-up ang iya nga motorsiklo sa Garcia Street, Brgy 3, siudad sang Sipalay kagab-i.
Sa inisyal nga impormasyon, nakabungo sa pick-up nga naga tabok sa crossing ang motorsiklo.
Wasak ang side mirror sang pick-up nga gina drive sang isa ka menor de edad.
Gilayon man nga nagresponde ang katapo sang Sipalay City Rescue Unit sa insidente.
Ang biktima nga papauli na kuntani gikan sa gina obrahan nga food stall ang gindala na sa Merceditas Montilla District Hospital.