Gindala sa San Carlos City Hospital ang isa ka babayematapos mag-agom sang mga pilas sa ulo bangud sa pag-pulpog sang martilyo sang ginbulagan sini nga live-in partner sa San Carlos City Miyerkules sang aga.
Ang biktima isa ka 45-anyos, samtang ang suspek amo ang anay karelasyon sini nga 78-anyos nga isa ka balo.Suno kay San Carlos City Deputy Chief-of-Police Lieutenant Ruby Aureta, sa inisyal nga imbestigasyon, isa ka semana na nga bulagay ang duha apang nagbalik sa balay sang suspek ang babaye agud kuhaon ang nabilin sini nga pagkabutang.
Naabtan sini ang anay kahagugma nga nagapamanday kag ginakaayo ang pwertahan.
Naghinyo ang babaye nga liwat sila mag balikanay apang nagpamalibad na ang lalaki.
Naakig na gid siya sang nagsiling ang babaye nga igasaylo na sang eskwelahan ang menor de edad nila nga anak.
Ginlampusan sang lalaki sang makapila ka beses sa ulo ang babaye gamit ang ginauyatan sini nga martilyo.
Detained sa karon sa San Carlos City Police Station ang live-in partner kag natalana nga pasakaan sang kaso nga paglapas sa Republic Act 9262 ukon Anti Violence Against Women and their Children Act.
Pagpangimon ang ginatudlo nga motibo sa krimen.