Patay ang 23 anyos nga si Angelica Montalvo matapos tiruhon kaina sang aga sa sulod sang ila salakyan sa Oroland sa Circumferential road sakop sang Barangay Cabug sa Bacolod.
Sa imbestigasyon sang PNP, ang suspek ang nag sulod sa salakyan sang biktima sa atubang sang Medical Plaza sa BS Aquino Drive kag nag deklarar sang hold up sa himata ni Montalvo nga nagasakay sa likod.
Pagsulod ni Montalvo upod sang iya live-in partner, siya ang nag deklarar man holdup sa ila kag ginpang tayaan sila sang iya armas.
Ginmanduan sang suspek ang live in partner sang biktima nga i-drive ang salakyan pa Barangay Cabug pero sang mag lab-ot sa bahin sang Oroland didto na gin tiro sang suspek si Montalvo.
Gin dala man sang suspek suno sa pulis ang mga cellphone sang mga tawo sa salakyan pati na ang kwarta sang live in partner ni Montalvo.
Suno kay Major Joery Puerto, Commander sang Police Station 8, ila gina lantaw man karon ang posibilidad nga mahimo may kaangtanan sa iya relasyon sa lalaki ang rasun sang pagpatay sa iya bangud suno sa pulis, may misis kag mga anak ang iya live in partner.