Patay ang 27 anyos nga si Riza Mae Buerom matapos ini matumba sa iya nga motor kahapon sang aga sa Barangay Hilamonan sa siyudad sang Kabankalan.
Suno kay Lt Col Raymond Cruz, hepe sang Kabankalan PNP, una pa nga nasal-an nga natiruhan si Buerom bangud may naka bati sang lupok ang mga residente kag siya ang naabtan na nga duguon ang guya.
Pero sa medical examination suno kay Cruz, head injury ang gin tunaan sang kamatayon sang biktima kag wala ini sang igu sang bala.
Apang ginpaidalom sa gihapon sa autopsy ang bangkay sang biktima suno sa pulis agud mapat-od nga wala gid ini sang gunshot wound.