Patay ang 26 anyos nga si Maria Ann Tamonan matapos gin buno sang iya live in partner nga si Lendon Dinawanan kagab-i sa Purok Hervias Dos sa Barangay Villamonte sa Bacolod.
Suno kay Police Major Jun Ray Batadlan, hepe sang Police Station 4, nag away ang mag live in partner bangud sa alas dose sang gab-i na nag pauli sang kagab-i si Tamonan.
Amo ini ang nag tulod nga gin buno ni Dinawanan ang iya live in partner. Dugang pa ni Batadlan, gin buno man sang suspek ang iya kaugalingon matapos ang naubra nga krimen.
Patay sa pag pamuno si Tamonan samtang padayon naman nga gina bulong sa ospital ang suspek.
Pag panghimon ang gina lantaw sang PNP nga motibo nga nahimo sang suspek ang pag patay sa iya nga partner.
Padayon pa ang imbestigasyon sang PNP sa karon.
Samtang, patay man kagab-i ang isa ka anay preso matapos siya nga gin tiro samtang naga sakay sa iya motor sa Brangay 38 sa Bacolod.
Ang biktima amo si Rue Senador nga na naaresto sadto may kaangtanan sa iligal nga droga.
Suno sa PNP, posible gin sundan sang riding in tandem si senador kag siya ang gin tiro sang makapila ka beses sang gunman nga naga angkas sa motor.
Dugang pa sang pulis, nakabaton na sang pag pamahug ang suspek gikan sa iya kaingod nga amo karon ang gina tan-aw nga person of interest sa pag patay sa iya.