Isa ka babaye nga snatcher ang nadakpan sang Sabado.
Wala na ginpanginwala pa sang suspek ang krimen kag nag siling nga ginagabaan na siya.
Gipasakaan na kaina sang kaso nga theft sa Prosecutor’s Office sa Bacolod si Gemma Mahinay, 42 anyos.
Siya ang nag snatch sang kahita sang isa ka babaye sa depasahe nga salakyan sang Sabado nga adlaw. Nadakpan siya nga yara gid sa iya nga kamot ang kinawatan nga coin purse.
Sang gin pamangkot siya parte sa natabo, wala na siya nagpang duha-duha pa nga akuon ang krimen.
Suno sa kay Mahinay, nga taga Bago City, may gina atipan siya nga hinablos pero nakahibalo man siya nga ginapakaon niya ang bata halin sa kwarta nga iya man kinawatan.
Naham-ot na lang siya sa iya kaugalingon samtang naga istorya sang iya nadangtan kag nag siling nga mabudlay gid man ang magpangita sang trabaho kun may record ka na sang pagpangawat gani pabalik balik na lang siya sa pagpangawat.
Nasubuan lang siya nga ang bata sang iya utod nga iya gina sagod indi niya na makita kay sa presohan na siya nag derecho.