May lima tanan ka mga igo sang bala ang babaye nga nasapwan nga patay sa tangkal sa Barangay 6 sa Bacolod City. PNP may person of interest na sa karon.
Ginakabig sang PNP nga drug related ang natabo nga pagpatay sa kay Junelyn Alegada nga nasapwan nga lamang kahapon sa Barangay 6 sa Bacolod City. Ang biktima ang isa ka drug surrenderer kag kabahin sa ila nga drugs watchlist.
Suno sa kay Police Captain Vincent Paul Pendon, commander sang Police Station 2, lima tanan ka igo sang bala sa nagkalain-lain nga bahin sang iya nga lawas ang na angkon sang biktima.
Nasapwan na lamang siya nga patay na sang iya kaingod balay sa tangkal sa ila nga purok.
Suno pa kay Pendon, may persons of interest na sila pero naga pangita pa sila sang saksi nga makatudlo sa isa tubtob duha ka mga suspek.
Suno sa kamagulangan nga anak sang biktima, wala nakapanugid ang ila iloy angut sa mga persona nga mahimo naghingabot sa iya kabuhi. Wala naman sila nagalaum nga maangkon ang hustisya sa kamatayon sang ila iloy.