Pasado las diyes sang aga nakibot ang tanan nga mga naga nilabay gikan sa Barangay Bata pagwa sa may Bacolod-Silay Airport Access Road nga may tawo nga naga hapa sa tunga sang dalan.
Sa pensar nga basi biktima siya sang hit and run nag pondo ang mga motorista kag gin panaugan ang amo nga persona. Natukiban sang sini nga lalaki nga babaye gale ang naga hapa sang dalan kag wala man sang pilas.
Dugay dugay may nag pondo man nga taga DPWH kag nag usisa. Nakita na nila damlag pa ang babaye nga naga pang lakataon sa highway sa Barangay Bata
May mga nag tawag sang pulis nga gilayon man nga responde sa lugar.
Suno sa mga pulis sang Talisay PNP sang nagligad nga semana yari man sa tunga sang dalan ang amo nga babaye.
May problema kuno ang babaye kag ang iya nga mister. Taga Magsungay sila sa Barangay Singcang-Airport, Bacolod.
Sang nag ligad nga semana ginkuha siya sang Bac up 3 kag gin dul-ong pauli. Kaina, amo naman liwat ang gin ubra sang pulis, ginkuha siya kag gindul-ong pauli.
Paandam sang otoridad mas maayo kun mag hinay hinay lang sa sini nga bahin sang highway kay indi mapaktan kun maybalik naman siya kay ang ini na nga dalan ang iya kinaangdan nga gina balik balikan.