Setyembre sinko, isa ka 23 anyos nga iloy nga nagabusong sang pito ka bulan nga lapsag ang nagtaliwan upod man sa lapsag.
Suno kay Dr. Chris Sorongon, deputy for medical data and analysis sang Bacolod Emergency Operations Center, Agosto 27 pa suno sa iya sang nagbatyag sang sintomas sang Covid-19 ang pasyente antes ini nagpa-admit sa ospital sang Setyembre 4.
Isa lang ka adlaw sa ospital ang pasyente kag nag taliwan
Gani pangabay ni Sorongon sa mga pasyente amo nga likawan ang mag-self medicate antes pa man maglala ang balatian.
Sa record sang EOC, naga saka, panaog ang kadamuon sang Covid-19 cases sa Bacolod humalin sang nagligad nga semana.
Pero nagsaka sa 72 porsyiento ang capacity utilization rate sang mga ospital tuga man sang Covid-19 cases nga kalabanan severe cases.
Dugang pa ni Sorongon, deputy for medical data and analysis sang EOC, ini ang kabangdanan kun ngaa nagapabilin man sa alert level 3 kag moderate risk ang Bacolod.
Gani ila na liwat ginhnyo sa Task Force Disiplina kag Bacolod City Police Office ang pagpabaskog sang kampanya batuk sa paglapta sang virus, ilabi na ang pagpatuman sang minimum health standard protocol.
Ang Bacolod ang magapabilin sa general community quarantine with heightened restrictions tubtob Setyembre 30.
Gani ginalauman sang pamunuan sang EOC ang kooperasyon sang pumuluyo agud mabuhinan ang kadamuon sang Covid- 19 active cases, ilabi na ang kahangawa nga tuga man sang mas makalalaton kag makamamatay nga Delta variant.