Nasapwan sang Sabado ang bangkay sang 50 anyos nga si Elsa Mancia, matapos ini nga maanod sa suba sa Brgy Guiljungan, sang nagligad nga Miyerkules.
Suno sa rescue group sang Cauayan, nakita sang mga mananagat ang bangkay sang biktima sa dagat sa boundary sang Guimaras.
Ila ini gin dala sa kilid sang baybay sa Barangay Tiling kag gin kumpirmar man ini sang anak sang biktima nga lawas yadto sang iya nga iloy.
Sandig sa report sang PNP, si Mancia ang nadanlog sang ginkuha sini ang iya nga water pump nga yara sa kilid sang suba bangud daw ma lambot na sang tubig sang Miyerkules.
Pero siya ang gin anod sa mabaskog nga tubig sang suba.
Gilayon man nga nag patigayon sang search and rescue operation kag sang Sabado nakita ang iya bangkay.