![](https://i0.wp.com/digicastnegros.com/wp-content/uploads/2023/12/image-104.png?resize=810%2C456&ssl=1)
Nagdangat na sa 18 ang napatay sa pagkahulog sang bus sa may “killer curve” sa banwa sang Hamtic sa Antique.
Ang pinaka ulihi nga nag dugang sa mga nagkalamatay amo si Arianne Raiven Mejia.
Sa post sang iya sini nga iloy nga si Venus sa Facebook, i-surprise siya kun tani ni Arianne sa iya nga pagpauli.
Na surprise siya matuod pero ang ini nga surpresa amo ang iya gina kabig nga heart breaking.
Nakabaton sang tawag si Venus gikan sa ospital kag iya naabtan didto nga unconscious na si Arianne.
Masobrta sa 24 oras man ang pagpakigbato ni Arianne para mabuhi pero napatay siya.
Martes sang hapon sang nahulog sa banglid sa Hamtic ang Ceres Bus. Sa karon 18 na ang patay, 6 ang yara sa critical nga kondisyon kag 4 ang estable na.
Ginsabat sang tagdumalahan sang Vallacar Transit ang tanan nga gasto sa pagpabulong sa mga nasamaran pati na ang pagpalubong sa napatay.
Gin suspend na sang LTFRB ang franchise sang dose pa gid ka bus nga kaupod sa prangkisa sang nahulog nga bus sa banglid nga naga biyahe Iloilo-Culasi.
Kaupod sa mga namatay ang missionary nga Kenyan kag isa ka pamilya halit sa Cotabato nga nagbakasyon lang kun tani sa Antique.