Nasapwan nga patay sang Biyernes sa sulod sang isa ka Hotel sa Dumaguete City ang isa 25 anyos nga babayi.
Suno sa PNP, ang receptionist sang hotel amo ang nakakita sang lawas sang biktima nga wala na sang kabuhi matapos nga iya gin tuktok ang kwarto kag wala sang may nag sabat.
Ang nobyo sang biktima amo ang suspek sa pag patay sa babaye matapos makita sa CCTV kag sang iban nga witness nga upod sila nga nag sulod sa hotel.
Posible suno sa pulis nga nag check in sa hotel ang duha kag nag away amo nga gin lampusan sa ulo sang matig-a nga bagay ang biktima nga nag resulta sa iya kamatayon.
Sang Sabado naaresto ang nobyo sang biktima. Kaso nga murder ang gin file sang PNP batuk sa iya apang may nakita ang fiscal nga posibilidad nga gin rape ang biktima base sa medical certificate gani rape with homicide ang gin pasaka nga kaso batuk sa suspek.