Nasapwan nga patay ang isa ka babaye sa suba sang Hda. San Agustin, Barangay Bagroy banwa sang Binalbagan sang Domingo.
Ang biktima ang ginkilala kay Semme Olberos , 57 anyos kag residente sang Barangay Amontay sa amo man nga banwa.
Suno sa PNP, si Olberos nanindahan sang Biyernes upod ang iya anak kag apo sa Barangay Santol kag kinahanglan pa magtabok sa suba. Pagpa-uli nila samtang nagatabok sa suba sang Kabalintaanan, naabtan sila sang baha kag naanod ang biktima samtang nakaluwas naman ang anak kag apo.
Nasapwan na lang nga naglutaw ang lawas sang biktima nga wala na sang panapton.