Patay ang isa ka babaye matapos malapakan sang truck samtang nagakumpanyar sa Zone 1, Barangay Hilamonan sa syudad sang Kabankalan, Hwebes sang ugto.
Naga-angkas ang biktima nga ginkilala kay Maria Cecilia Martinez, 49-anyos sa motorsiklo nga ginamaneho sang iya bana nga si Leonardo sang sila ang nasagaid sang dumptruck nga nag-overtake sa ila.
Nahulog si Martinez kag nalapakan sang guma sang dump truck. Naka-angkon siya sang head injury kag gindeklarar nga dead on arrival sa ospital. Wala naman nasamaran ang bana.
Padulong kuntani sa Kabankalan Public Cemetery ang mag-asawa agud magtambong sa lubong sang ila abyan sang natabo ang insidente.