Patay ang isa ka mangunguma matapos naigo sang kilat sa Hacienda Casal-agan Viejo, Barangay Don Salvador Benedicto banwa sang Pontevedra Sabado sang hapon.
Gin kilala ang napatay kay Trinidad Baliguat , residente sang amo man nga lugar.
Sa imbestigasyon sang Pontevedra PNP, ang hinablos ni Baliguat nga si Cynthia Canoy ang nagreport sa kapulisan sa natabo nga insidente.
Nagatrabaho ang biktima sa kampo sang tubo sang hinali na lang naigo sang kilat.
Gin hingagaw pa dala si Baliguat sang iya mga kaupdanan sa ospital apang gin deklarar ini nga dead on arrival sa ospital.