Gin palab-ot sa social media sang netizen ang natabo nga pag sulod sang gina alegar notorious nga rapist sa ila sini balay sang kagab-i.
Sandig sa iya panaysayon, nagsulod ang suspek sa ila balay paagi sa magamay nga bintana sa ila banyo kag iya gin sulod ang iya 14 anyos nga manghod sa ila sini nga kwarto.
Suno sa iya, may pusil ang suspek kag iya hana nga painumon sang bulong ang iya manghod kag gin ubahan sang shorts ang biktima apang nakadalagan ini kag naka pangayo sang bulig.
Gilayon naka palagyo ang gina alegar rapist suno sa nag post. Iya man gin pahayag nga ika 7 na ini nga insidente sa siyudad sang Sagay subong nga bulan gani iya gina pangayo ang bulig sang otoridad para matapna ini.
Ginpahayag man ni Lt Col Jonel Guadalupe, hepe sang Sagay PNP nga ila na gina usisa ang ini nga report nga pagpanaka sang mga balay sang gina alegar notorious rapist.
May video naman ang pnp suno kay guadalupe sang suspek. Ila man gina hangkat ang publiko nga mag report sa pnp kun may parehos nga insidente.
Naga padayon pa sa karon ang ila nga imbestigasyon sa sini nga kaso.