Land Transportation Franchising and Regulatory Board NIR ang nagapaabot nga sa masunod nga semana masugdan na ang pag papanagtag sang AICS sa mga drayber.
May panawagan man ang LTFRB sa mga drayber nga ipaiway ang pagpatuman sang saka sa plete kag mag sunod sa gina mando.
Ginsiling ni Atty Gerry Llena ang director sang LTFRB Negros Island Region nga naga laum siya nga masugdan na ang releasing sang bulig sa idalom sang Assitance to Individuals in Crisis Situation paagi sa talatapan sang Department of Social Welfare and Development.
Para mangin masulhay kag madasig suno kay Llena, nag pakig-angut na siya sa mga LGU kag sa pamuno sang DSWD nga isa sa mga dugang nga control mechanism sa tagtaganay, magluwas sa driver’s license dapat napat-od ang address sang mga driver lakip na ang ila nga mga birthday.
Tuyo sini nga malikawan nga mag doble ang releasing. Gina abisuhan na daan ni Llena nga ang mga cellphone number sang mga drayber ang pangayuon na nga daan para man sa gina paabot nga fuel subsidy roll out sa idalom sang Department of Transportation.
2.5 billion pesos nga subsidy ang iga release para sa mga public utility drivers kag operators. Suno kay Llena ini ang iga-release paagi sa mga finance app kaangay sang Gcash kag Maya.
“Amo na ang akon anticipation man nga hoping, nga maybe next week na. I just don’t have control kun san-o i-download ang kwarta sa DSWD. May mga dugang lang nga instruction for control mechanism. Napabalo ko naman ni ang aton kalabanan sa aton nga LGUs. Ginpabalo ko naman ang RD sang DSWD para maka preparar man siya. Ang dugang nga informatation para indi mag doble-doble ang panghatag dapat may address gid ang driver”, suno kay Llena.
Sa pihak nga bahin, naga panawagan si Llena sa mga drayber nga sundon ang mando nga dapat mag pabilin ang daan nga mga rates sa plete.
Ini kasunod sang pahayag ni Presidente Ferdinand Marcos, Jr., nga iya gina defer ang pag patuman sang saka sa plete.
Ang panawagan ni Llena kasunod man sang pila ka mga reports nga may mga drayber nga naga patuman sang saka sa plete.
“Dapat indi ta magpasaka na kag sundon ta ang daan gid nga rate kay amo na ang mandate. Naturally kun ikaw mag mato-mato dira you are now operating outside of the law. Nasakitan man ko nga gamiton ko gid ang enforcement power sang gobyerno para himuon ka nga example, te kabay pa nga indi lang”, suno kay Llena.
[sibwp_form id=1]