Patay ang isa ka mangunguma matapos ginlabo sang isa man ka mangunguma sa Purok Nangka, Sitio Maglunod, Brgy. Quezon sa San Carlos City, Martes sang aga.
Ang biktima ginkilala sa kay Gil Lopez, 57-anyos samtang ang suspek ginkilala sa kay Arnold Laraño, 35-anyos.
Suno sa kay Police Major Ronald Santillan ang Deputy Chief of Police sang San Carlos City PNP, antes pa man matabo ang insidente may ara na sang indi pag hangpanay sa tunga sang duha angut sa irigasyon sa ila nga talamnan.
Dugang pa ni Santillan, nagatubangay ang duha sa barangay pero liwat naman may nagluntad nga komosyon sa tunga nila tubtub nga ginlabo ni Laraño si Lopez sang makapila ka beses nga nagresulta sa iya nga kamatayon.
Gilayon man nga nagsungka ang suspek matapos ang krimen.