Ginpasakaan na sang 3 counts sang frustrated homicide si Romualdo Abarido Jr. nga katapo sang CAFGU Active Auxilliary sa idalom sang 79th Infantry Battalion sang Philippine Army.
Ang kaso ang nag ugat sa natabo nga pagpaniro ni Abarido sa kay Police Master Sgt. Teofesto Aburido, miyembro sang Escalante City PNP kag pagkasalabat sang duha ka sibilyan nga sanday Jay Ar Garganera kag Jeban Sayon sa pista sa Barangay Alimango, Escalante City sang Sabado.
Nagtaliwan si Sayon gani dugang nga homicide nga kaso ang ipasaka batuk sa suspek.
Suno kay Police Major John Ganzon, hepe sang Escalante City PNP, nagpatunga lamang si Aburido sa ginamo sa tunga sang suspek kag gin alegar Sheriff sa syudad sang La Carlota nga si Michael Belita, nga nagpangayaw sa lugar.
Apang nag gabot sang pusil ang suspek nga gin agaw sang pulis pero tigayon siya nakapalupok sang pusil kag naigo ang pulis kag duha ka mga sibilyan sa baylehan.
Kag sa pagpangusisa sang pulis babaye ang ginhalinan sang inaway sang CAFGU kag sheriff.
Luwas na sa katalagman ang mga biktima samtang detained sa Escalante City PNP ang CAFGU.