Isa ang gin-report nga napatay bangud sang baha sa Negros Oriental, maulanon nga panahon magapadayon.May report si Romeo Subaldo.https://www.youtube.com/watch?v=sGvEFcFA0II
Naga pangita kamo bala sang pwede lagawan sang pamilya for bonding moments ukon road trip?Ang dolphin watching ang pwede na liwat sa Bais City.Ini ang ang base sa executive order nga ginpagwwa ni Mayor Luigi Marcel Goni sang nagligad nga semana.Naka base sa resulta sang ginhimo nga assessment sang BFAR nga ang fish samples nga nakuha gikan sa baybayon nga na apektohan sang wastewater spill sang URC sa Bais City kag Manjuyod ang naka pasar sa evaluation nga ginpatigayon.Magluwas nga pwede na maka pangisda kay safe na ini kan-on pwede naman liwat ang dolphin watching.Isa ini ka popular nga tourist attraction sa area. Pwede magsakay sa bangkay kag mag libot sa baybayon para masaksihan ng mga dolphins.Pwede naman liwat maka lagaw sa sandbar kag mag paligo sa baybay....
Pilas sa ulo ang na agum sang 13 anyos nga lalaki matapos ini ang malukpan sang palupok sa Evo Center Relocation Site, Paet, Brgy. Batuan sa La Carlota City sang Domingo sang gab-i.Suno sa hepe sang La Carlota PNP nga si Police Lt. Col. Eduardo Corpuz, ang biktima ang pinaka una nga firecracker victim sang siudad subong nga 2025.Gina-alegar nga ginbutang sang menor de edad ang palupok sa sulod sang lata nga iya man gina uyatan.Gilayon nga naglupok ang palupok sa lata kag naigo ang biktima sa iya nga ulo.Gilayon siya nga gindala sa ospital para mapabulong.Ang La Carlota City Primary Care facility ang naga pabaskog na sang ila kampanya kontra palupok temprano pa para malikawan ang pagdamo sang mga biktima sang palupok.May mga safety reminders na sila kag mga first...
Isa ka Bacolodnon ang karon isa na ka book author sa Denmark.Ang iya libro ang nabutang sa library sang Philippine Embassy sa Denmark para mangin inspirasyon sang komunidad.May report si Romeo Subaldo.
Magluwas sa pagka BPAT member, Barangay Agrarian Reform -Chairman kag Empleyado sang isa ka quarry site si Virginia Abustad sang Sitio Pabrica, Barangay Camansi, Kabankalan City.Sa imbestigasyon sang Kabankalan PNP, Sabado sang hapon may duha ka persona ang gin-report nga nagtiro sa biktima sa Hda. Sta. Isabel nga ginhalinan sang kamatayon sang biktima.Dugang pa sang PNP, wala man sang malain nga record sa barangay si Abustad.Sa statement ni Ka Andrea Guerrero, spokesperson sang Armando Sumayang Jr Command sang New People's Army Southwest Negros Guerrilla Front, ang biktima ang ila ginsilutan kay ini ang nag serbe nga asset sang army nga nag resulta sa kamatayon sang National Democratic Front ukon NDF consultant nga si Ericson Acosta.Ginsiling sang rebeldeng grupo nga a...
Mga manugtapas sang tubo ang naka diskubre sang bangkay sang tawo sa sulod sang kampo sa Hacienda Bernabe, Barangay Salvacion, sa banwa sang Murcia pasado las-9 sang aga kaina.Suno kay Police Captain Honey Labaro, hepe sang Murcia PNP una nga napanimahuan sang mga nakatapas sang tubo ang naga usbong nga baho kag sang nakita nila ang bangkay ila nga ginpahibalo ang ila enkargado.Pensar anay sang mga naka sapo tul-an lang sang tawo ang ila nakita pero sang ginkadtuan na sang pulis bangkay pa ini nga nalubong.Wala pa makilala ang amo nga persona tubtob sa karon.*
May University of St. La Salle campus na soon sa Barangay Granada sa Bacolod.Kahapon ginpatigayon na ang ground breaking ceremony para sa sini nga proyekto.https://youtu.be/QhkS_oWGDTw
Nagpanindugan si Atty. Sonya Verdeflor, chairperson sang Bacolod City Water District Board, nga wala siya nagtuga sang alarma sa publiko kasunod sang paglapta sang impormasyon nga posible nga mag-untat ang water supply sa Bacolod kon indi makabayad ang PrimeWater sa Bacolod Bulk Water, Inc. ukon BBWI.Sa pag-atubang sa Sangguniang Panlungsod session, ginpahayag ni Verdeflor nga ila ginpili nga mas maayo kun mapahibalo ang publiko sang water situation sa siudad.Sang Disyembre 12, nahibaluan nila sa emergency board meeting nga may ₱11 milyon nga utang ang PrimeWater halin Setyembre tubtob Nobyembre sa BBWI.Dugang pa niya, plano sang BBWI nga untaton ang pag supply sang tubig, apang ginpaathag sang BACIWA nga indi ini paghimuon nga wala sang abiso sa publiko, gani na-extend ang...
Ginbaligya na sang Villar Group ang 100% sang Primewater Infastructure Corporation sa Crystal Bridges Holding Corporation sang Lucio Co Group, ang tag iya man sang Pure Gold kag S&R.Ini ang gin anunsyo sang Villar Group sang kahapon.Sa Negros Occidental magluwas sa Bacolod City, may joint venture agreement ang PrimeWater sa mga water districts sa Bago, Cadiz kag Himamaylan City.Ang pila ka mga opsiyales sang sini nga mga LGU ang nangin vocal sa nangin problema sa idalom sang PrimeWater, kalabanan sa reklamo amo nga wala nag abot ang ginpasalig nga pagpaayo sang serbisyo.Si Bacolod City Mayor Greg Gasataya damlag pa nagsiling na nga luyag niya makig sugilanon sa bag-o nga naga panag-iya sang PrimeWater para masolbar ang problema sa tubig sa Bacolod.Para naman sa ...
Maganubo sang 19 sentimos sa kada kilowatt hour ang balayran sa kuryente para sa bulan sang Disyembre.Buot silingon, halin sa P12.23 kada kWh mangin P12.04 kada kWh na lang ini.Ini ang gin anunsyo sang Negros Power sang kahapon.Suno sa utility firm, ang price adjustment bangud sang pagnubo man sa presyo sang Wholesale Electricity Spot Market ukon WESM.Kag bangud man ini sa nagnubo nga demand sang kuryente tungod sa pila ka bagyo nga nag labay sa dako nga porsyon sang Visayas nga nagresulta sa pagnubo sang 43 sentimos kada kWh sa overall generation charges.Dugang pa sang Negros Power nga may pagtaas sa Ancillary Service Charges pero wala ini naka apekto sa overall impact sa balayran sang mga konsumedor.*
