Romeo Subaldo

Oil price hike alert sa aton mga motorista. May pagsaka naman sa bili sang produkto petrolyo sa bwas.Sa ika walo nga sunod-sunod nga semana, may pagsaka na naman sa presyos ang diesel kag gasolina.Otsenta sentimos ang saka sa bili sang gasolina sa kada litro.Samtang sisentay singko sentimos naman para sa disel kag kwarentay singko sentimos sa kada litro sang kerosene.Humalin sang Enero, halos onse pesos na tanan ang ginsaka sa kada ltiro sang diesel kag nuebe pesos naman ang gasolina.Ang saka sa bili sang produkto petrolyo ang tuga sang pagsaka man sang presyo sini sa world market.

Tres pesos nga saka sa bili sang kuryente kada kilowatt hour ipatuman sang Ceneco karon nga bulan sang Pebrero.Onse pesos kag sinkwentay uno sentimos per kilo watt hour na ang mangin residential rate para sa billing sa Pebrero halin sa siete pesos kag sinkwentay nuebe sentimos per kilo watt hour sang nagligad nga binulan.Suno sa tagdumalahan sang Central Negros Electric Cooperative ang tres punto kag nubentay uno sentimos per kilo watt hour nga dugang nga saka sa bili sang kuryente ang tuga sang increase sa generation, transmission and system loss charges kag pass through charges.Sa dies pesos kag trentay dos sentimos per kilowatt hour nga pass through charges nalakip ang transmission kag generation charges, mga ERC-approved adjustment, government subsidies kag taxes.Ginsil...