Romeo Subaldo

Sa advisory nga ginpagwa sang Bureau of Fisheries and Aquatic Resources ukon BFAR sang Miyerklues ginsiling sang ahensya nga may ban sa gihapon sa pagpanguha kag pagkaon sang shellfish sa North Bais Bay sa Negros Oriental bangud ang latest nga laboratory results nagapakita nga may yara pa sang Paralytic Shellfish Poison ukon PSP sa area.Suno sa BFAR Region VII ang tanan nga shellfish kag Acetes species ukon kilala nga alamang nga halin sa North Bais Bay ang indi pa safe kan-on.Ang Shellfish samples nga nakuha sa amo nga bay ang positive sa PSP.Magluwas diri wala naman sang may nakita pa nga iban nga problema ang BFAR.Magapabilin ang shellfish ban tubtob ang toxin levels ang manaog na.Bulan sang Oktubre sang nagkadto sa Bais Bay nga parte sang Bais City kag Manjuyod ...

Ang tanan nga uniformed kag non-uniformed personnell sang San Carlos City PNP ang ginpaidalom sa surprise drug test Huwebes sang aga.Suno hepe sang San Carlos City Police Station Chief PLt. Col. Nazir Canja, ini ang tuigan nila nga ginahimo agud mapasiguro nga hilway sa iligal nga droga ang hanay sang kapulisan kag mapabilin ang ila integridad sa pag-serbisyo.Sa madason nga semana ginapaabot nga magwa ang resulta sang test.Sang nagligad nga tuig nag negatibo ang resulta sa tanan nga mga pulis.*

Pinaagi sa suksok nga bayo nakilala sang iya nga pamilya ang bangkay nga nasapwan sa Hacienda Salapid sa Barangay Inolingan sa Moises Padilla sang Miyerkules.Taga Barangay Panubigan sa Canlaon City si Angel Espora, 18 anyos kag isa ka dancer.Suno sa DRRMO sang banwa, ginkadtuan kahapon sang iya pamilya ang banwa kag ginlantaw ang bangkay kag ila nakumpirma nga ila ini nga himata nga nadula matapos gin igo sang flash flood ang Canlaon City dala sang Bagyo Tino.Sa post sang Salta Canlaon Dance Company, si Angel ang kabahin sang dance group sang siudad nga nagpakigbahin sang istorya sang Buglasan sa Sinulog Festival sang Cebu kag nakalab-ot na siya sa Hong Kong sa pag-perform para sa Cathay International Chinese New Year Night Parade.*

May isa na naman ka bangkay nga nasapwan sa banwa sang Moises Padilla kaina sang aga.Na recover sang DRRMO personnel sang Moises Padilla ang bangkay ang isa ka persona sa may Hacienda Salapid, Brgy. Inolingan.Sa post sang DRRMO sa ila Facebook page, ang bangkay ang naka puti nga t-shirt kag naka black nga shorts nga may mga puti nga dots. Ginabulubanta nga 5 feet ang kataason sang amo nga persona.Sa subong indi pa matumod kun babaye ukon lalaki ang nasapwan nga bangkay.Sang tinalikdan nga adlaw isa man ka bangkay sang isa ka babaye ang nasapwan sa may Hacienda Mapa, Barangay Crossing Magallon. Mabudlay na ang pagkilala sa bangkay kay nagaka agnas na ang bangkay. Ginpalubong na ini sang banwa.*

Matapos maglumpat, wala na makabutwa pa ang manguguma sa gina bansagan nga “Covidlandia” sa Sipalay City ukon ang Cansibit Pit sa ruins sang nagsira nga Maricalum Mining sa Purok Malipayon Barangay San Jose, Sipalay City Domingo sang hapon.Ginkilala kay alias Reyland ang mangunguma nga na missing nga taga Baranggay Baclao, Cauayan.Suno sa kay Dionilo Bogtae ang DRRMO coordinator sang Sipalay City, gilayon nila nga gintawgan sang divers sang Philippine Coast Guard para mapangita ang amo nga persona.May mga portion sang pit nga nagalab-ot sa 25 meters ang kadalumon sang tubig gani mabudlay ang pagsalom.May lake abe nga nagporma sa area. Sang nagdulom na, temporaryo nga gin-untat ang pagpangita.Lunes sang aga may nagpahibalo sa DRRMO nga naglutaw ang bangkay sang biktima g...

Subong nga adlaw dapat kuntani magaabot si Presidente Ferdinand Marcos Jr. para sa paglunsar sang Oplan Kontra Baha nga programa ugaling bangud sang hana nga pagsulod sang bagyo Wilma sa Visayas wala siya madayon.Pero, nag padayon ang programa kaina sang aga sa may Mambuloc Creek malapit sa reclamation area sang Bacolod.Halin sa mga river warriors sa idalom sang Tupad sang DOLE ang nag bulig sa pag tinlo sang creek.May ginpadala man ang DPWH nga amphibious excavator nga amo ang makapadasig sang paghawan.Makita sa creek ang nagkalain-lain nga mga plastic nga basura nga naga bara nga mano-mano nga ginpangkuha.Ang excavator naman ang nagkuha sang mga lunang kag mga bato nga nag bara na sa creek.Suno kay Congressman Albee Benitez, luyag kuntani masaksihan sang presi...

Sa ginpatigayon nga inspeksyon sang Department of Public Works and Highways sa tiilan sang bulkan Kanlaon kag mismo sa Canlaon City kag La Castellana, makita nila ang tuman ka dalagko nga mga bato nga parehos kadako sang SUV.Suno sa kay Engr. Noel Ilao, Director sang Bureau of Equipment sang DPWH-Central Office, bangud sang dalagko nga bato nagkalatabunan ang mga alagyan sang tubig gani nag rekta ang tubig sa kasubuan sa mga pamalay.Sa paglantaw nila posible lahar ang nag duso sa mga bato papanaog sa kabukiran.Ang ini nga mga bato sa palibot sang Kanlaon ang halin sa sulod sang bulkan dala sang sunod-sunod sini nga eruption.Bangud sang mga linog nag amat-amat na giho ang mga bato.May mga areas man kuno nga inagyan sang landslide gani natumba ang mga puno sang kahoy kag ...