Barbara Mijares

Pasado la una sini nga hapon nag buga sang abo ang bulkan Kanlaon.Sa record sang IP Camera sa KVO-CC Observatory sa Canlaon City, 1:10pm nag sugod ang ash emission kag ini ang nag lawig tubtob 1:13pm sini nga adlaw.Ini ang nag generate sang grayish plume nga nagsaka tubtob sa 150 meters sa ibabaw sang crater sang bulkan antes nag padulong sa southwest.Gin-abisuhan ang publiko nga maghalong sa posible ash fall kasunod sang natabo nga ash emission.Samtang sa February 16 nga monitoring sa Bulkan Kanlaon, na-record ang 6 ka volcanic earthquakes kag 1,124 ka tonelada sang sulfur dioxide flux sa kada adlaw. Padayon man ang ground deformation.Nagapabilin sa Alert Level 2 ang bulkan Kanlaon.*

Gina-alegar sink hole sa Sitio Bairan sa Brgy Gen Luna sa banwa sang Toboso ang gin-report sang mga pumuluyo kaina sang aga.Suno kay Engr Hospicio Carbajosa, Jr., ang Municipal Disaster Risk Reduction Management Officer sang Toboso, las 7 kaina sang aga sang natalupangdan sang mga pumuluyo ang pag usmod sang duta nga sakop na sa nabukid nga bahin.Nakit-an nila ang paglitik man sang duta. Suno kay Carbajosa sa report sang ila nga personel 30 meters ang radius sang amo nga litik. Pabilog ang pag - usmod sang duta. Ang diameter sini mga 60 meters suno sa iya. Ang kadalumon ukon ang depth sang gin-usmod naga average sa 1.5 meters.Dugang pa ni Carbajosa wala sang may nagalabay sa area, pero nag abiso na sila sa barangay nga mag andam sa area.Ang nag-usmod nga bahin kilid sang bu...

Updated - Sugdan ang payout sa idalom sang Emergency Cash Transfer sang Department of Social Welfare and Development para sa mga nagub-an sang balay sang Bagyo Tino sa Hinigaran bwas, Pebrero 12.Suno kay Hinigaran Mayor Mary Grace Arceo naka pakig-angut na sa ila nga LGU ang DSWD - NIR. Sila ang maga pioneer sa 3rd tranche sang tagtaganay para sa ECT sang DSWD sa 14 tanan ka mga LGU suno sa iya.Nagalaum si Arceo nga mahuman nila ang releasing sa sulod sang duha ka adlaw.May masobra sa 3,000 ang yara sa ila nga listahan sang mga may totally damaged nga balay kag masobra naman sa 19,000 ang partially damaged nga balay.Indi magnubo sa P10,000 ang batunon nga cash assistance sang mga may totally damaged nga balay, kag indi mag nubo naman sa P5,000 ang para sa may partially dama...

Ang Overseas Workers Welfare Administration ang nag hatag sang bulig sa iloy sang mga kabataan nga gin-atake sa ila nga balay sa siudad sang Silay.Ginpasiguro sang Department of Migrant Workers-OWWA nga sa tunga sang natabo sa mga kabataan sang OFW nga si Ronelyn sadtong Pebrero 7, gilayon ini nga makapauli sa Silay City.Ang iya nga employer sa Dammam, Saudi Arabia suno sa OWWA ang nag hatag sang ticket sa kay Ronelyn padulong sa Manila.Ang OWWA na ang nagbulig kay Ronelyn sa iya nga pag pauli sa Negros Occidental.Bilang isa ka active nga miyembro sang OWWA, tigayon nga na repatriate si Ronelyn kag nahatagan sang financial assistance kag gilayon nga welfare support.Nagbisita sa ospital ang OWWA sa duha ka mga kabataan ni Ronelyn nga padayon nga ginabulog. Sila ang nag p...

Paabuton nga mangin maulanon ang bilog nga semana sa Negros Occidental.Kaina sang aga, 22 ka mga banwa kag siudad sa probinsya lakip na ang Bacolod City ang nag suspend sang klase bangud sang orange rainfall warning ukon gina paabot mabunok nga ulan.Paathag ni Irene Bel Ploteña ang pamuno sang Provincial Disaster Risk Reduction Management Office, light to moderate to heavy rains ang nagtupa sa nagkalain-lain nga bahin sang Negros Occidental kaina.Padayon ang monitoring sa mga river systems pero kun magsige ang ulan gina paabot ang mahimo pag overflow sang tubig suno kay Ploteña.Sa Escalante City sa 1:20pm nga monitoring sa Sitio Varca sa Brgy Jonob Jonob may amat amat nga pag awas sang tubig sa dalan. Pero naga pabilin na passable ini.Sa Moises Padilla, las 10 kaina san...

Ulan nga tuga sang shearline kag northeast monsoon ang nagtuga sang pagbaha sa pila ka bahin sang Talisay kag Silay City suno sa Provincial Disaster Risk Reduction Management Office.Samtang, 17 naman ka mga barangay sa Negros Occidental ang nalakip sa listahan sang Mines and Geosciences Bureau nga sarang mag eksperiensya sang pagbaha kag landslide tuga sang pag -ulan.Bangud sang mabunok nga ulan ginmando ni Silay City Mayor Joedith Gallego ang pag cancel sang klase sa mga public kag private nga eskwelahan sumugod las 12 kaina sang udto. Suno sa PDRRMO may 162 ka pamilya ukon 770 ka persona ang apektado sang mabunok nga ulan.Sa Talisay City may 157 ka mga pamilya ang gin-evacuate ukon 611 ka persona. Kusina ni Mayor Weng ang nag hatag sang hot meals kag family food packs sa mga ...

Masakit na ang P600 nga sukot sa overnight parking fee. Ini ang pagpati man ni Governor Eugenio Jose Lacson, sa tunga sang reklamo sa saka sa sukot sang overnight parking fee sa Bacolod-Silay Airport nga sadto anay P200 lamang.Pero ginsiling man sang gobernador nga indi man lamang sa Bacolod-Silay Airport nagmahal ang parking fee kay bisan sa NAIA 2 suno sa iya nagsaka man ang suktanay.Maayo na man lang suno sa iya nga mismo ang Sangguniang Panlungsod sang Bacolod ang naghinyo kay Bacolod Representative Albee Benitez nga lantawon ang amo nga concern nga gina pautwas man sang mga travellers.Damlag pa ginsiling na ni Councilor Homer Bais nga ila ginhinyo ang bulig ni Congressman Albee sa tunga man sang mga reklamo nga nabaton nila angut sa tuman ka mahal nga saka sa sukot nga wal...

Nagalaum si Negros Occidental Governor Eugenio Jose Lacson nga tigayon maka dihon sang laye ang kongreso angut sa importation. Indi lamang para sa kalamay kundi sakop na ang importation sang iban pa gid nga agricultural products.Gin announce na damlag pa ni Third District Representative Javier Miguel Benitez nga may yara na sang na schedule nga official congressional hearing sa sugar industry sa katapusan nga semana sang Pebrero.Ang talatapan karon ni Benitez ang naga organize sang listahan sang mga maga attend lakip na ang mga statements kag concerns sang stakeholders nga paga talakayon.Sang Enero ginpatigayon ang public consultation sa probinsya kag gin talakay ang pag sarurot sang presyo sang kalamay.Suno kay Governor Lacson, pag katapos sang amo nga consultation gin-lau...

Bilang pag panghanda sa gina paabot mabunok nga ulan nga pagadal-on sang Bagyo Basyang pila ka mga lugar sa Negros Occidental ang nag patuman na sang pre-emptive evacuation.Preemptive evacuation ginpatuman sa Moises Padilla. VM Pimpoy Yulo photoKaangay na lamang sa Cadiz City kun sa diin kaina sang udto may mga pumuluyo sa Sitio Paniqui-on sa Brgy Tiglawigan ang gin-evacuate sa eskwelahan sa pag pasiguro sang ila nga kahimtangan.May gin-evacuate man sa Calatrava. May 248 ka persona ang naga tenir sa karon saa Evacuatio, Center Alpha sandig sa post sa page ni Mayor Marilyn Era. Maga bukas pa gid sila sang Evacuation Center Bravo.Sa Moises Padilla, gin patuman man ang pre-emptive evacuation.Sang kahapon pa lamang nag mando na si San Carlos City Mayor Renato Gustilo kag Hi...