Anay congressman John Orola ang nagsaylo sang iya nga voter’s registration sa banwa sang Don Salvador Benedicto.
Pero, suno kay Orola madamo man sang pwede nga malantaw rason sa iya nga pagsaylo sang iya nga voter’s registration.
Pwede man nga sarang siya magtenir sa lugar pero wala siya sang intention nga mag intra sa pulitika sa amo nga lugar.
Kun bala may plano siya nga magpapili bilang gobernador sa probinsya, suno kay Orola, nagapabilin ang iya nga handom nga maka bulig sa probinsya kag bisan pa sa Bacolod. Mapat-od ini kun mag abot na ang tiempo.
Suno naman kay Negros Occidental Governor Eugenio Jose Lacson, kun madayon man ang plano ni Orola, indi man siya makapili sang iya nga mangin kasumpong.
“Well of course you can’t choose your opponent,” suno kay Lacson.
Katapo sang PDP Laban si Orola sa idalom sang kampo ni Alfonso Cusi. Natalana sa Setyembre ang ila nga pagtililipon kag sa amo nga tiun suno kay orola mahibaluan ang iya nga mangin desisyon.
“Siguro after the convention. Once you’ve filed the certificate of candidacy wala nagasiling nga tapos na na. You can even withdraw pa nga eh. Even until December. Before the printing of the ballots, you can even withdraw,” suno kay Orola.
Naga gwa ang huring huring nga suportahan sang negosyante nga si Olivia Yanson si Orola. Pero ginklaro ni Orola nga wala sang kamatuoran ini. Wala man siya naka konsulta sa kay Yanson sa iya nga mga political plans.
Samtang, ginkumpirma naman ni Lacson, nga ginsiling sa iya ni Board Member Tinto Bascon nga luyag sini mag papili bilang alkalde sa siudad sang Himamaylan.
Pero suno kay Lacson, sa gihapon hulaton sini ang mangin desisyon sang board member. Kun madayon ini, mangin kasumpong ni Bascon si incumbent Mayor Raymund Tongson nga katapo sang UNEGA.
Sa bahin sang Love Negros, may kandidato ini nga iga field sa Toboso. Gina finalize pa kun bala si anay Mayor Evello Valencia ukon ang incumbent nga Vice Mayor nga si Jesse Rex Bartolome. Damlag pa ginsiling na ni Mayor Richard Jaojoco nga ang iya nga asawa nga si Madonnah ang maga tal-os sa iya. sila ang katapo sang UNEGA.
Sa Isabela ginapaabot nga mangin kasumpong ni Mayor Irene Montilla sang Love Negros sa 2022 si Vice Mayor Renato Malabor, Jr nga katapo sang UNEGA.
Suno kay Lacson suportahan sang Love Negros si Montilla.
Sa Hinobaan naman gina paabot ang pagpapili sang duha ka katapo sang Love Negros para sa mayoralty race – si Punong Barangay Oscar Daclan kontra kay SP Member Daph Anthony Reliquias.
Suno kay Lacson, ini ang ila na nga itugyan kay Congressman Genaro Alvarez.