Shadow

Atty. John Orola nag file sang COC sa pagka gobernador sang Negros Occidental

Anay congressman John Orola sa karon ang challenger ni Negros Occidental Governor Eugenio Jose Lacson sa gubernatorial race.

Sa last day sang filing sang COC nag file si Orola sa idalom sang PDDS nga kaalyado suno sa iya sang PDP-Laban–Cusi wing.

Matapos ang suno sa iya malawig nga pag konsulta sa pamilya, abyan kag mga suporter lakip na ang hugot nga pagpangamuyo, napat-od ni anay congressman John Orola nga liwat hatagan niya sang isa pa gid ka round ang iya nga political carrer. Upod ang iya nga utod nag file siya kaina sang aga sang iya nga certificate of candidacy para sa pag ka gobernador sa Negros Occidental sa idalom sang Pederalismo ng Dugong Dakilang Samahan nga kaalyado suno sa iya sang PDP Laban Cusi wing.

Pag-bag-o sa liderato kag sa direksyon ang iya nga ginatanyag. Ang ikaayong lawas sa tunga sang pandemya karon ang iya mangin prayoridad.

Nag file upod kay Orola ang iya nga kapartido nga si Bago City Councilor Cleo Gaudite para sa pag ka board member sang 4th district. Si Gaudite ang yara na karon sa iya ikatlo nga termino. Nagfile man sang COC para sa pagka board member sa fifth district si Pedro Bolano. Ano man ang pagpanghangkat suno kay Orola ini ang iya nga gina atubang.

Suno kay Orola, Juan for all, all for Juan para sa Negros.

Para naman kay Negros Occidental Governor Eugenio Jose Lacson may kinamatarong si Orola sa pagpapili sa public office kag ini ang kabahin sang demokrasya.

Sa natabo nga pandemya suno kay Lacson madamo sang inagyan ang probinsya kag kaupod sa suporta sang mga opisyales nagapati ang gobernador nga malampuwasan ini kag tigayon nga makatindog ang isa pa gid ka mas maayo nga probinsya. Indi na anay pagtutukan ang pulitika suno sa iya kag mas importante nga ma lubad ang paglapta sang virus sa probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange