Anay Victorias City Mayor Francis Frederick Palanca ang 99 porsiento nga maga papili bilang gobernador sang probinsya sa 2025.
Ini para kay Atty Jesus Hinlo nga naga serbe bilang Partido Demokratiko Pilipino Deputy Secretary General for Visayas kasubong man Provincial Council President for Negros Occidental.
Karon pa magasapol ang lokal nga partido suno kay Hinlo kag diri maga pahibalo sang iya nga desisyon si anay Mayor Palanca – kun bala maga dalagan siya sa 2025 bilang gobernador.
Mahimo nga magapapili si Palanca nga wala sang bise gobernador.
Maga upod man sila ukon mag tuga sang alliance sa indi maga suporta kay Governor Lacson nga maga pa re-elect para sa iya nga third term.
May iga field sila nga congressman sa 6th district kag ini ang gina paabot nga si anay Hinoba-an Mayor Ernesto Estrao.
Sa lugar nga wala sila sang kandidato maga pangita sila sang alliance. Wala nalakip sa ila nga gintalakay ang Bacolod.
Samtang, gin-nominate man si Hinlo sa partido para sa sentatorial slate sini. Iya nga gina hulat ang mangin desisyon sang partido.
“For me 99 percent. But the one percent will be answered by him when he says in public he will run. Sa level ko I can say as of today he will run. I am the signatory sa CONA sang NIR. If approved by the party that’s the only way nga may chance ta mag padaog. I will run as senator because our last senator was 1963 pa si Oscar Ledesma”, suno kay Hinlo.