Balik Kapitolyo na si Provincial Administrator Rayfrando Diaz matapos opisyal nga mabaton gikan sa DILG ang kopya sang pagpatuman sang modified penalty nga ginpaapanaog sang Office of the Ombudsman.
Tigaylo nga anum ka bulan, gin papanaog sang Office of the Ombudsman sa isa na lamang ka bulan ang suspension ni Diaz kag ni Atty Chery Sheil Villanueva matapos sila ang ginreklamo bangud sang conflict of interest may kaangtanan sa isa ka expropriation case.
Suno kay Diaz matapos niya nga mapahibalo si Governor Eugenio Jose Lacson, ang mando sa iya sang gobernador amo nga gilayon mag report sa trabaho.
Naga pasalamat si Diaz sa nangin tikang sang Ombudsman pero sila sa gihapon ang maga file sang appeal sa Court of Appeals para mapamatud-an nga sila ang inosente.
Masobra sa tatlo ka bulan ang suspension ni Diaz nga nagsugod sadtong June 8 matapos nga boluntaryo sila nga nagpaidalom diri.
Ginapaabot ang back pay sa masobra duha nila ka bulan nga suspension.
Magapadayon na sa iya nga trabaho si Diaz kag indi na niya suno sa iya nga balikan pa ang mga persona nga naghingabot sa iya ukon nag file sang reklamo batuk sa ila.