Nasapwan nga patay kaina las dos sang kaagahon ang assistant secretary sa Barangay Singcang Airport sa Bacolod nga si Reynaldo Apuhin sa kilid sang Alice Street sa amo man nga barangay.
Ang biktima ang may pilas sa dughan kag liog. Suno kay Major Puerto, hepe sang Police Station 8, ulihi nga nakit-an ang biktima nga may ginlagas nga duha ka lalaki nga nag labay sa atubang sang barangay hall.
Ini ang nakuha sa CCTV. Wala na mahibaluan suno kay Puerto kun ano ang masunod nga natabo kag kun updanay ang tatlo sang matabo ang pag pamuno.
Isa sa posibilidad lang nga ginalantaw sang PNP nga may kahilabtanan sa pag patay kay Apuhin ang duha ka lalaki. Ginahibalo pa man nila ang motibo sa pag patay kay Apuhin nga isa ka katapo sang LGBTQ.