Ginkumpirma sang Bureau of Jail Management and Penology Region 6 ang pag taliwan ni Jail Senior Superintendent Gilbert Peremne paagi sa ila gin pa gwa nga statement.
Ang BJMP 6 ang naga hinyo man sa mga pumuluyo nga mag upod sa 5 ka adlaw nga silent prayer para sa nag taliwan nga si Peremne nga ila ginakabig dedikado nga jail official.
Si Peremne ang Assistant Regional Director for Administration sang BJMP Region 6 kag naga tindog man bilang spokesperson sini.
Sang tinalikdan lang nga Biyernes napatay ang utod ni Peremne nga si Glen sang gintiro ini sang riding in tandem sa Iloilo City.
Sandig sa report, gin batyag ini sang jail official. Siya ang gindala kagab-i sa hospital bangud sa nagsakit ang iya dughan kag amo ini ang gintunaan sang iya kamatayon.
Samtang, nag lab-ot naman s akaron sa 53 ang active COVID-19 cases sang BJMP sa Bacolod.
Kalabanan sa mga kaso ang gikan sa isolation facility sa Barangay Handumanan kun sa diin gina butang ang mga inmates antes isulod sa jail.