Sa Sipalay City, padayon sa karon ang assessment kag pag panghanda para sa alternate route sa Camp Valdez kasunod sang gina lantaw nga sinkhole collapse nga nagtuga sang pag-usmod sang duta kag landslide.
Ginpamunuan sang City Engineering Office upod ang Sipalay City Disaster Risk Reduction and Management Office, City Environment and Natural Resources Office, Barangay Council sang Mambaroto, ang assessment kag pag panghanda sang alternate route.
Ginpatuman ini sa crossing Porong sa Brgy. Nabulao padulong sa Brgy. Cabadiangan.
Tuyo sini nga mapasiguuro ang safety kag accessibility sang mga apektado nga areas.
Ginsiling sang Mines and Geosciences Bureau damlag pa nga gina lantaw nila nga isa ka sinkhole collapse ang natabo sa bahin sang bukid sa Brgy Mambaroto. May mga sinyales sang landslide nga nga nakita nga sarang maka apekto sa national highway.
Padayon ang abiso sa mga motorista nga naga labay sa amo nga highway nag mag mangin alerto sa posibilidad sang landslide labi na kun may makusog nga pag ulan.
Ang MGB ang nag-recommend suno sa Siplay CDRRMO nga ang mga mabug-at kag dalagko nga salakyan nga mag labay isa-isa lamang sa amo nga area. Ini bangud ang mabug-at nga mga salakyan pwede maka tuga sang landslide ukon pag collapse sa apektado nga area.