Naka half mast sa subong ang Philippine flag sa Silay PNP… Sa pag upod sang bug-os nga pwersa sang Silay PNP sa kalisod sa kamatyon ni Police Corporal Jobert Diasanta.
Napatay siya matapos ma trap sa balay sang iya ginikanan nga nasunog sa Talisay City.
Domingo sang gab-i ginhaya siya Silay PMP. Sa litrato nga kuha sang pnp, makita nga pati ang ini nga ido naga upod man sa kalisod sa pamilya sang napatay nga pulis.
Kaina yara lang siya sa idalom sang sini nga salakyan naga pasilong pero sang gina tawag na….
Istorya sang mga staff sang silay pnp ginhingadlan na siya sang mga pulis nga si strong…Amigo niya ang tanan nga mga tropa…
May playmate man siya nga isa pa gid ka aspin. Yara lang sila naga istar sa compound sang Silay PNP.
Isa man kuno ka pulis ang naka dala diri sa iya kag ila na nga ginsapupo.
Mahilig siya magpalapit kag magpa angga sa halos tanan nga mga naga duty sa compound.
Kun ma assign sa gate si Corporal Diasanta, didto man siya naga tinir upod sa pulis.
Amiguhay gid sila kay si Corporal Diasanta masami naga pakaon man sa iya.
Sa bilog nga haya sang pulis sa ila nga station, wala man siya naga halin halin sa kilid sang lungon.
Gani wala na sila natingala kun ngaa bisan pa sunog ang lawas sang pulis, kilala niya sa gihapon ini kag nagpakita man siya sang iya nga pag simpatya.