Nagpangayo sang bulig sang Community Animal Rescue Efforts Inc, ukon CARE ang isa ka pamilya sa La Carlota City para mapa bulong ang napulo ka bulan nga aspin nga si Snoopy.
Si Snoopy ang nagwa sa ila nga balay sang Domingo, Mayo 14 kag namuhin sang hinali na lang makabati sang lupok ang mga tag-iya sang ido.
Duguon si Snoopy matapos nga maigo sang bala sa iya abaga kag naglusot sa iya nga dughan.
Ang suspek ila lang man kaingod balay nga isa ka pulis.
Ginhingagaw dala sa vet si Snoopy para mapabulong pero wala sang kwarta nga inug pa x-ray ang pamilya ni Snoopy amo kun ngaa gindala siya balik pauli.
Sa bulig sang CARE tigayon siya nga na x-ray kag didto nakita nga wala sang na damage nga organ ang ido.
Wala pa mabayaran ang bills ni Snoopy gani naga pangayo sila sang bulig.
Gina hikot na sang pamilya nga naga sapupo kay Snoopy kag sang CARE ang pagpasaka sang kaso angut sa animal cruelty batuk sa pulis.