Bulkan Kanlaon maka duha ka beses nga nag buga sang abo sini nga Lunes nga adlaw. Ash fall gin-report sa tatlo ka mga barangay sa Canlaon City.
1:09 sang kaagahon sini nga Setyembre 7, una nga nag buga sang abo ang bulkan Kanlaon kag ini ang na capture sang thermal camera nga napahamtang sa Lower Mananawin Observation Station.
Suno kay Ptolemy Mañego, Science Research Assistant sa Philippine Institute of Volcanology and Siesmolgy nga nabase sa Kanlaon Observatory sa La Carlota City nag lawig sa 164 minutes ang ash emission.
Ika duha nga nag buga sang abo las 7:21 sang aga nga nag lawig naman sang 15 minutos.
May ash fall sa Barangay Lumapao, Malaiba kag Mabigo sa Canlaon City bangud padulong didto ang huyop sang hangin.
Suno kay Mañego, light ash fall ang gin-report sa amo nga mga barangay.
Sa September 7, nga 24 hour bulletin sang Kanlaon may 11 ka volcanic earthquakes ang na-record.
1,094 ka tonelada sang sulfur dioxide flux kag 150 ka metros ang kataason sang plume nga na record.
[sibwp_form id=1]