Under control na ang African Swine Fever kag hog cholera cases sa probinsya. Sentinelling opisyal nga magasugod sini nga quarter.
Ini suno kay Provincial Veterinarian Dr Placeda Lemana nga nag siling nga ang pinaka ulihi nga mortality ukon pagkapatay sang baboy tuga sang ASF kag hog cholera sadto pa sang bulan sang Setyembre sa banwa sang La Castellana.
Opisyal nga maga sugod ang sentinelling sini nga first quarter pero indi ma negar suno sa iya nga may mga hog raisers nga nag sugod na sang 2023 pa.
Kag wala man nag kalamatay ang ila ginsagod. Malawig pa ang tinuig suno kay Lemana nga madula ang ASF virus kag ang hog cholera naman endemic na sa probinsya.
Nagapabilin naman ang pork ban sa Negros Occidental para mapangapinan ang hog industry.
Sa second quarter, kun mangin okay ang sentinelling, ipatuman ang restocking.
Mga third quarter pa gina paabot nga maulian ang presyo sang baboy.
Samtang, sandig sa October 2023 nga datus sang Philippine Statistics Authority naga pangduha ang Negros Occidental bahin sa kadamuon sang supply ukon inventory sang baboy sa pungsod.
Nagapanguna ang Batangas.