Kapin sa 30,000 ka mga Asenso family leaders upod sa mga city kag barangay officials ang ginapaabot magatambong sa Asenso Night sa Paglaum Sports Complex bwas.
Ginsiling ni Punong Barangay Caesar Distrito, spokesperson ni Mayor Albee Benitez nga magaperform sa pagtililipon sang Team Asenso ang kilala nga singer songwriter nga si Tj Monterde.
Ang Asenso Night ang ginhiwat dungan sa pagsaulog sang natalana nga kaadlawan sang alkalde.
Wala pa mapat-od ni Distrito kun sin-o ang iban nga mga bisita nga magatambong sa pinakadako nga pagtililipon sang local political group.
Gindugang ni Distrito nga kun sadto avenue ang Asenso Night sa panawagan sang alkalde para sa pag-ugyon sang mga anay mag kasumpong sa pulitika, karon mangin panawagan ini para sa pagpadayon sang mga programa kag proyekto para sa tinutuyo sang isa ka supercity.