Ang pag-align sa Partido Federal ng Pilipinas nga Partido sang Marcos Administration ang kabahin sa mga plano nanday Mayor Albee Benitez kag pila pa ka mga katapo sang Partido Demokratiko Pilipino nga magabiya na sa Partido.
Ang pag-angut sa national party ang ginapatihan sang alkalde nga magapabaskog pa sang ginatukod karon nga bag-o nga uniteam.
Ginsiling ni Benitez nga sa karon nagapabilin nga mabaskod kag naga-isa ang Asenso Bacolod nga ginatapuan sang mayorya nga incumbent city officials.
Wala anay ginpat-ud sang alkalde ang iya mangin plano sang 2025 elections bangud suno sa iya kinahanglan pa ma-diskusyunan sang grupo ang mga plano ilabi na ang pagpat-ud sang mangin political line-up antes sang ginapaabot nga filing sang Certificate of Candidacy sa Oktubre.