Ginkastigo sang gina-alegar hubog nga bana ang iya asawa nga nagresulta sa iya kamatayon sa Sitio Cabansan, Barangay Orong sa Kabankalan City, Sabado sang kaagahon.
Ang insidente, nasaksihan pa sang ila menor de edad nga bata.
Nag-gwa sa imbestigasyon nga sa pag-abot sang bana nga si alyas “Jory”, 46-anyos sa ila balay, naglalisay sila sang iya asawa nga si alyas “MJ”, 45-anyos.
Naglala ang ila pagbaisay kag naglab-ot sa pagkastigo sang bana sa iya asawa, tubtob nga nagsuka na siya sang dugo kag nalipungan.
Matapos ang insidente, nagpangayo sang bulig ang 9-anyos nga bata sa opisyal sang barangay, nga amo ang nangita sang pamaagi nga madala ang biktima sa ospital apang siya ang gindeklarar nga dead on arrival.
Kaso nga parricide ang ginpasaka sa bana, nga karon detained sa custodial facility sang Kabankalan PNP.*
[sibwp_form id=1]