Ang inter-active information system gamit ang floorstanding kiosk sa Bacolod City Government Center kabahin lang sang incentives nga nabaton sang Bacolod LGU matapos magbaton sang SGLG award sang nagligad nga tuig.
Ginsiling ni Mayor Albee Benitez nga plano niya nga madugangan ini sang liwat nga nagbaton ang siudad sang SGLG award sini nga tuig.
Luyag sang alkalde nga mag-gamit sang artificial intelligence agud nga mas mangin epektibo ang inter-active information system.
Nagapati ang alkalde nga paagi sa pag-enhance sang government services sa bulig sang teknolohiya mas mapadasig kag epektibo man ang serbisyo sa pumuluyo.