Kaso nga arson batuk sa janitor nga nag-ako sa tuyo nga pagsunog sa eskwelahan sa San Carlos City ang na file na kaina sang aga sa Prosecutor’s Office. Pero, suspek ang nagtuyo sa pag-utas sang iya kabuhi sang Domingo sang gab-i kag karon ang na-admit sa ospital. Via inquest suno kay Joe Alingasa pamuno sang DRRMO ang pagfile sang kaso nga arson.
Suno kay Mayor Renato Gustilo, yara karon sa ospital sa San Carlos City ang suspek kag gina bantayan man sang pulis matapos nga gintuyo sini nga ma-utas ang iya kabuhi samtang yara sa detention cell sang PNP.
20 milyones pesos ang gin report kahalitan nga natuga sang kalayo sa pagkasunog sang Daisy’s ABC School Foundation, Inc., balay ni Gustilo kag ancestral house sini.
Damlag pa suno kay Gustilo gin-ako sang janitor, matapos nga ma konsensya ini bangud sang mga na ulamid sa sunog, nga bangud sang iya kainit kasunod sang pagkakas sa iya sa iya trabaho, nahimo niya ini.
Pasado las 3 sang hapon sang Biyernes sang nagluntad ang sunog nga nag sugod sa eskwelahan sa Ylagan St., Brgy 5. Wala sang may naluwas ang alkalde sa ila nga balay nga naubos tupok sang kalayo. Himo sa antigo nga kahoy ang duha ka mga puluy-an suno kay Gustilo. Samtang, gin-relieve naman bilang city fire marshall si Fire Chief Inspector Reynan Gecana suno sa PNP.