Pinaagi sa mga informants kag anay katapo sang New People’s Army, ginkilala ang isa sa mga napatay nga NPA sa Barangay Camansi sa Kabankalan City nga si Ericson Acosta alias Raffy. 43 anyos kag tumandok sang Ligao City, Albay.
Suno sa army, si Alias Raffy ang deputy secretary of Komiteng Rehiyon- Negros Cebu Bohol Siquijor (KR-NCBS) kag ang pamuno sang political unified committee sang NPA sa Visayas. Siya ang bana sang napatay nga si Kerima Tariman, isa man ka NPA leader nga napatay sa encounter sa 79th IB sa Kapitan Ramon sa Silay City sang August 22, 2021.
Naga panindugan ang National Democractic Front ukon NDF nga consultant lang nila si Ericson Acosta kag peasant organizer si Joseph Jimenez ang kaupod ni Alias Raffy nga napatay.
Suno sa NDF capture sila sang army kag pila ka oras ang nagligad ginreklarar na nga napatay sa encounter sa Sitio Makilo, Barangay Camansi, Kabankalan City sang kahapon.
Ginatwag man sang grupo nga peke ang gina siling nga encounter kag ika katorse na nga peke nga encounter sa idalom sang marcos administration.
Pero para sa army may natabo nga encounter kag ang alegasyon sang npa ang para lang magkuha sang simpatiya sang publiko.