Bangud sang sige sige nga vaccine rollout sa hanay sang Philippine Army, halos fully vaccinated na sa karon ang mga militar sa Negros Occidental.
Sa record sang army sa probinsya, 98% na nga fully vaccinated ang mga military personnel nga na deploy sa area sang 303rd Infantry Brigade diri sa Negros.
Nangin mabinuligon man ang ila gina patigayon nga troops information and education agud mahaylo nga mag pabakuna ang tanan nga mga suldado.
Gin pahayag man ni 303rd Brigade Commander, Brigadier General Inocencio Pasaporte nga ang pag pabakuna sang tropa sang army ang isa ka oportunidad agud ila mahimo sang maayo ang ila trabaho nga pag serbe sa mga pumuluyo.