Patay ang isa ka soldado matapos makabunggo kagab-i ang iya motorsiklo sa gina sundan sini nga tricycle sa dalan sang Barangay Iglau-an, banwa sang Murcia.
Ang biktima amo si Corporal Christian Pelongco nga na assign sa 303rd Infantry Brigade. Suno kay Police Captain Marc Joeil Reclamado, hepe sang Murcia PNP, padulong kun tani sa iya nga trabaho ang army nga madasig ang pagpadalagan sang iya nga motor.
Naga hinay hinay na suno kay Reclamado ang tricycle bangud sa posible mapahigad na ini sang mag rekta bunggo ang motor ni Pelongco.
Gindala pa sa ospital ang army apang napatay man ini bangud sang impact sang pag ka bunggo.
Detained naman sa karon sa Murcia PNP ang driver sang tricycle kag ginahulat pa sang pulis ang pamilya kun sila ang mapasaka sang kaso.